Երևանը և Կարարան-քույր քաղաքներ են:  ՛՛Երևանի և Կարարայի բարեկամություն՛՛ հուշարձան-աղբյուրը իտալական Կարարա  քաղաքում: 

Տուֆ: 1964թ, տեղադրվել է 1967թ

Բարձրությունը՝  300 

 Ամեն ինչ սկսվեց քանդագակործության միջազգային բիենալեից, որն անցկացվում էր սպիտակ մարմարի  արդյունահանման և մշակման կենտրոն հանդիսացող  իտալական Կարարա քաղաքում:  Բիենալեն կայացավ 1965թ. խորհրդային և արևմտյան քանդակագործների մասնակցությամբ: Խորհրդային  պատվիրակության կազմում էր նաև Արա Հարությունյանը, ով ներկայացնում էր իր  վաղ աշխատանքներից  ՛՛Պատանեկություն՛՛անվանմամբ գործը: Կարարայում նա այցելեց մարմարի արդյունահանման հայտնի քարհանքը, որտեղ նկատեց տպավորիչ չափերի  անավարտ աշխատանք՝  Հիսուս Քրիստոսի գլուխն ու ձեռքերը: Նա հետաքրքրվեց, թե ինչ նպատակով են արված այդ հատվածները: Պարզվեց, որ նախատեսված էր կարարյան մարմարից ստեղծել Հիսուսի հսկայական արձանը, բայց պատվիրատուն դադարեցրել էր  ֆինանսավորումը: Իսկ հեղինակը  հրաժարվել էր շարունակել աշխատանքը և հեռացել էր Կարարայից:     

Հայաստան վերադառնալով, Հարությունյանն առաջարկեց Երևանի վարչակազմի այն ժամանակվա ղեկավար Գրիգոր Հասրաթյանին՝շարունակել բարեկամական  հարաբերությունները Իտալիայի հետ, և ի նշան բարեկամության  Կարարայից Երևան տեղափոխել հսկայական մարմարե ձեռքերը: (Պետք է նշել, որ ողջ ցանկությամբ հանդերձ, խորհրդային պատվիրակությունը  գաղափարախոսական նկատառումներից ելնելով չէր կարող որպես նվեր  ընդունել Քրիստոսի գլուխը. չէ՞որ  ԽՍՀՄ-ը որդեգրել էր մարտնչող աթեիզմի գաղափարախոսությունը): 

Քաղաքապետը սատարեց  և ընթացք տվեց վարպետի առաջարկին, և իրականություն դարձավ  ՛՛Կարարայի ձեռքերի՛՛տեղափոխումը Երևան:  Այն տեղադրվեց Երևանի կենտրոնական զբոսայգիներից մեկում:  Իր հերթին, ի նշան բարեկամության,  Հայկական ԽՍՀ-ը Իտալիային նվիրեց Ա. Հարությունյանի ստեղծած  ՛՛Երևան և Կարարա. քույր-քաղաքներ՛՛հուշարձան-աղբյուրը: Այն տեղադրվեց Կարարայում 1967թ.:  Կարմիր տուֆից պատրաստված հուշարձանն իրենից ներկայացնում է միջնադարյան խաչքար հիշեցնող կոթող: Այն զարդարված է տուֆի մեջ փորված խաղողի վազով, վերին հատվածում գտնվում է Սիրինի առասպելական պատկերը, իսկ սյան կողքերին մակերևութապատկերային նախշերով    քանդակված են երկու ղոչեր:

Շատ տարիներ անց պատմական նշյալ փաստը ձեռք բերեց նոր նշանակություն: 2013թ. Երևանի քաղաքապետարանի  պատվիրակության պաշտոնական այցով Իտալիայում գտնվելու ժամանակ կայացավ Երևանի և Կարարայի քաղաքապետների հանդիպումը: Հանդիսավոր միջոցառումն անցկացվեց ծովափնյա այգում, որտեղ  դեռևս 1967 թ. Ա.Հարությունյանի կողմից կանգնեցվել էր բարեկամության հուշարձան:

՛՛Երևանի և Կարարայի բարեկամություն՛՛  հուշարձան-աղբյուրը կարողեք  գտնել հետևյալ հասցեով. Italy, Сarrara, Marina di Carrara, viale Giovanni de Verrazzano – giardin

՛՛ԵրևանիևԿարարայիբարեկամություն՛՛հուշարձան-աղբյուրըկարողեք  գտնելհետևյալհասցեով. Italy, Сarrara, Marina di Carrara, viale Giovanni de Verrazzano – giardin

  ՛՛Կարարայի ձեռքերը՛՛ հուշարձանը Երևանում: Հայաստան: