Արա Արմենի Հարությունյան /1928–1999, ծնվել է  Երևանում, մարտի 28-ին, /- ականավոր քանդակագործ-մոնումենտալիստ, գծանկարիչ, Հայաստանի ժողովրդական նկարիչ, ԽՍՀՄ և Ռուսաստանի Դաշնության Գեղարվեստի ակադեմիայի թղթակից-անդամ, պրոֆեսոր: Ա.Հարությունյանի ստեղծագործությունը բազմաբնույթ ու  բազմապլան է: Նա Հայաստանում ու նրա սահմաններից դուրս տեղադրված 40-ից ավել հուշարձանների և  հուշահամալիրների հեղինակ է: Ա. Հարությունյանին հաջողվեց կյանքի կոչել բազմաթիվ ստեղծագործական մտահղացումներ: Նա  հուշարձանային համալիրների և սյուժետային որմնաքանդակի հիմնադիրն է Սովետական Հայաստանում, վիթխարի հուշակոթողների և քաղաքային հուշարձանների, հաստոցային քանդակների և փայլուն գծանկարի հեղինակ:  Աստծո կողմից շնորհված տաղանդի և տքնաջան աշխատանքի շնորհիվ նա կարողացավ որակապես այլ  մակարդակի բարձրացնել Հայաստանի գեղարվեստական մշակույթը, և   ХХ դարի կերպարվեստում ներմուծել ժամանակակից մտածողություն, քանդակագործական ու գրաֆիկական սկզբունքորեն նոր   լուծումներ: